KQZ vendosi sot t’i ndërpresë mandatin kryebashkiakut të Vorës, Agim kajmaku. Me pesë vota pro, vendimi u mor në mbledhjen e KQZ-së, ndërsa Klement Zguri kërkoi që të vihej në dijeni menjëherë edhe Kryeministri Edi Rama.
Kështu pas Valdrin Pjetrit dhe Agim kajmakut, pritet që procesi të vijojë me kryebashkiakun e Vaut të Dejës, Mark Babani.
Ky i fundit sërisht është akuzuar nga PD se ka fshehur dënime dhe ndalime nga policia italiane, ndërsa demokratët i kanë publikuar edhe emrat që ka përdorur më parë kryebashkiaku i Rilindjes.
Ndërkohë, babani sot ishte i pranishëm në takimin që Edi Rama zhvilloi me deputetët, kryetarët e bashkive dhe koordinatorët e rajonit të Veriut.
Mësohet se në takimin e zhvilluar, është trajtuar edhe një kërkesë e deputetit të PSD-së, Tom Doshi, që kërkon që pozicioni i nënkryetarit të Bashkisë në Vaun e Dejës, t’a propozojë ai.
Nuk dihet nëse kjo kërkesë e deputetit Doshi do të pranohet ose jo nga Rama, por duket se lëvizja e ligjvënësit ka të bëjë pikërisht me faktin se Babani mund të humbasë mandatin e kryebashkiakut dhe në kushtet kur zgjedhjet e reja mund të mos zhvillohen, drejtimin e bashkisë e merr një prej nënkryetarëve.
