Pas takimeve të Tiranës dhe Shkodrës, tryeza e diskutimit “Për shqiptarët dielli lind në perëndim”, u ndal në Elbasan.
Gazetari dhe aktivisti Aulon Kalaja shprehet se në këto tryeza u theksua edhe një herë vokacioni pro-perëndimor i shqiptarëve dhe u kundërshtua teza për një “Jugosllavi të Re”.
Qytetarë të angazhuar, patriotë, historianë, pedagogë, shkrimtarë, përkthyes, avokatë, aktivistë politikë, gazetarë dhe studentë dhanë mendimet e tyre se si do vijojë kjo tryezë.
Kjo lëvizje erdhi si reagim, në lidhje me projektin e fundit të Kryeministrit Edi Rama dhe Presidentit serb Vucic, për të krijuar Jugosllavine e Re, si mjet presioni, por jo vetëm, ndaj Bashkimit Europian dhe Shteteve të Bashkuara të Amerikës.
Po ashtu pas këtij plani fshihet dështimi spektakolar për të pestin vit radhazi që Kryeministri Rama refuzohet nga BE, për cceljen e negociatave.
“Projekti i ashtuquajtur “mini-shengen”, është një taktike për të shmangur Kosovën, ku Kryeministri ynë po vazhdon një lojë të pisët dhe tradhëtare, në kurriz të vëllezërve tanë.
Sepse nuk mund të besh treg me Serbinë, ndërkohë që Kosova ka në fuqi taksën 100%. Ndërkohë që Serbia është ajo që ka bërë genocid mbi shqiptarët e Kosovës dhe nuk ka kërkuar falje, është po ajo që nuk e njeh shtetin e Kosovës, madje punon fort që edhe shtete të tjera të mos e njohin.
Në tryezën tonë u theksua fakti se për këtë projekt të Ramës nuk ka transparencë dhe ai nuk është konsultuar me askënd, e kësisoj është i paautorizuar nga qytetarët shqiptarë për të bërë këtë marrëveshje. Gjithashtu aty u tha se shqiptarët duan të bashkohen me Kosovën dhe jo me Serbinë.
Këto tryeza do të vazhdojne për të sensibilizuar qytetarët në ccdo qytet të Shqipërisë dhe disa qytete të Kosovës, Maqedonisë së Veriut dhe Malit të Zi.
Tryeza e radhës u vendos Gjakova.
“Për shqiptaret dielli lind në perëndim””, shprehet Kalaja.
