Komisioni parlamentar i Ligjeve ka nisur diskutimin lidhur me emrat e propozuar nga Kuvendi, për të qenë pjesë e Gjykatës Kushtetuese. Një prej kandidateve ka qenë dhe Arta Vorpsi, e cila tha se ka 23 vite eksperiencë si eksperte e të drejtës kushtetuese.
Në një moment, deputeti Ralf Gjoni e ka pyetur Vorpsin për pikët që ka marrë në konkurs, por kolegët e tij të mazhorancës e kanë cilësuar pyetjen e tij të pavend, pasi ajo e ka kaluar fazën e parë të përzgjedhjes.
“Të më ndjejnë kolegët e Partisë së Punës”, u shpreh Gjoni, ndërsa priti përgjigjen e Vorpsit, e cila tha se kishte marrë 3 pikë më pak se normalja në testet që bëhen për kandidatët.
Por batuta e Gjonit për Partinë e Punës ka nxehur kryesuesin e Komisionit Ulsi Manja.
“Tërheq vëmendjen e zotit Gjoni për respektimin e Kodit të Etikës, që është miratuar me konsensus”, u shpreh Manja.
