Pak ditë më parë, ish-kryeministri Sali Berisha festoi 75-vjetorin e lindjes. Këtë të premte, ai ishte i ftuar në emisionin “Zonë e Lirë”. Berisha u shpreh se ndjehet si 20 vite më parë.
“Sekreti im është kalitja, stërvitja, s’jam njeri abuziv, por kalitja është sekreti”, tha Berisha.
Ish-kryeministri tha gjithashtu se ka një marrëdhënie ‘dashurie’ me gjumin.
“Aleati më i madh në jetë time mbetet gjumi, më shkon në mendje se ka veti shëruese, akumulon lodhjet. Dhe s’besoj se s’ka gjë më relaksuese për mua se gjumi. Gjumin e bëj top, 6 orë, 6 orë e gjysmë. Por edhe nëse fle tre orë nuk zgjohem me ’ububu’. Bëj mendim pozitiv edhe të fle 3 orë gjumë, sjell në mendje momente pozitive ose lexoj, një lloj terapie”, tha Berisha.
