Kreu i Kadastrës, Artan Lame përmes një sttusi në Facebook ka bërë një apel krej ndryshe nga herët e tjera. Ai i ka bërë thirrje të gjithë zyrtarëve, drejtorëve dhe ministrave të çojnë gratë, mikeshat dhe vartëset e tyre të kryejnë kontrollin e gjirit në kuadër të muajit të tetorit, i cili përkon me fushatën për parandalimin e kancerit të gjirit.
Statusi i Lames
“Ej, ministra dhe ministresha, drejtorë dhe drejtoresha, ku jeni e ku s’jeni, vërini në rresht vajzat e gratë që keni ndënhyqëm dhe çojini të bëjnë kontrollin e gjirit. Është puna për të parandaluar dhe për t’i ruajtur nga një prej më të zezave sëmundje të njerëzisë, por jo vetëm kaq. Është edhe çështje e dinjitetit njerëzor, edhe e bukurisë trupore edhe e sharmit femëror. Falenderoj me gjithshka Drejtorin e Spitalit të Traumës, apo siç i themi rëndom, Spitalit Ushtarak, doktor Arben Zenelajn, dr. Vidi Demkon, dr. Najada Jahiqin dhe dr. Xhesika Xhetanin, për impenjimin, gadishmërinë dhe mosmërzinë të kontrollojnë njëra pas tjetrës plot 120 gra, nëna e vajza të Kadastrës Shqiptare.
