Kryeministri Edi Rama u përball mbrëmjen e djeshme me një panel gazetarësh dhe analistësh. Rama u shfaq nervoz, veçanërisht për çështjet që lidheshin me dështimin e hapjes së negociatave, por edhe paralelizmit që bënin gazetarët dhe analistët mes tij dhe Zaev.
Madje Rama ka shfaqur shenja nervozizmi edhe ndaj analistit Mustafa Nano, i njohur për mbështetjen që i jep të majtës dhe Kreut të Qeverisë pothuajse në çdo emision.
Analisti Mustafa Nano e pyeti drejtpërdrejt kryeministrin Edi Rama, në emisionin Opinion, nëse i ka shkuar në mendje që po të mos jetë Kryeministër, vendi bëhet më mirë.
Rama është hutuar disa sekonda nga pyetja, por në fund ka dhënë përgjigjen e shkurtër: nuk më ka shkuar.
Replika
Mustafa Nano: Iu ka shkuar ndonjëherë në mendje që po të mos jeni ju kryeministër, vendit i bëhet mirë?
Edi Rama: Më ka shkuar mua në mendje që po të mos jem unë kryeministër vendit i bëhet më mirë? Sikur të më shkojë në mendje kjo unë menjëherë largohem, po nuk më ka shkuar në mendje që të jem i sinqertë me ju.
