Gazetari Ylli Dylgjeri përmes një komenti në rrjetet sociale e ka cilësuar si shfaqje policore deklaratën e djeshme të Drejtorit të Policisë së Shtetit mbi celulën terroriste.
“Ku është struktura terroriste o drejtor Veliu? E kupton Ti fjalën Strukturë? Është si në guzhinë, njëri e lan, tjetri e qërron e tjetri e marinon…”, shkruan Dylgjeri.
Në vijim ai thekson në Organigramën e Policisë Shtetit janë fiksuar të gjithë funksionet deri te prapavija.
“Po këtu? Apo është Sekret? Nuk po barazoj Shtetin me terroristët, por ta kishe bërë pak më interesant këtë shfaqe policore. Ta shisje më bukur, që ti pëlqente edhe SHEFIT MADH edhe shefit vogel.
Në fund, merre këtë letër dhe gjeji vendin Drejtor Veliu se nuk po qeshin vetëm qytetarët por edhe terroristët”, shkruan Dylgjeri.
Nga Ylli Dylgjeri
Ku është Struktura Terroriste O drejtor Veliu?
Opinioni publik sot u njoh në një Konferencë Shtypi me operacionin e policisë për neutralizimin e një Celulë Terroriste! Bukur.
Nuk po zgjatem në atë çka u tha nga Drejtori i Policisë Veliu, për goditjen, arritjen, etj. etj, por po komentoj vetëm foton Strukturë të Celulës Terroriste që iu shfaq publikut me kuadrate fotosh terroristësh!
Drejtor Veliu,
Pse e quan Strukturë Terroriste këtë polifoto me 4 persona? Keta si lidh viza i lidh misioni. Apo jo?
Si ta kuptojme këtë vendosje të terroristëve poshtë njëri tjetrit, pa dhëne asnjë sqarim se çdetyra kanë në këtë renditje, qe s’thotë as funksion e as përshkrim?
Ja po e lexojmë:
Foto ne krye ka një nënshkrim:Forcat QUDS, PEYMAN. Dhe kaq.
Më tej, poshtë, Malek Zadeh, Jeton ne Turqi, Abdulselam Turgut dhe në krah Ervin ARAM Alireza Nagha Shazaden, jeton në Austri- ish antar i MEK!
Me çfarë detyrash do merreshin këto “aramët” në foto? Ku është struktura këtu?
E kupton Ti fjalën Strukturë? Është si në guzhinë, njëri e lan, tjetri e qërron e tjetri e marinon…
Kur është miratuar struktura ose Organigrama e Drejtorisë së Përgjithshme të Policisë së Shtetit nga Ministri i Brendshëm, funksioni Juaj ka qëndruar në krye, aty ku rri fjala vjen në Strukturën Forcat Quds PEYMAN.
Pra, në krye Drejtori i Përgjithshëm i Policisë, më poshtë Kabineti, e më tej, majtas djathtas, Drejtoritë e Policisë sipas drejtimit…
Në Organigramën e Policisë Shtetit janë fiksuar të gjithë funksionet deri te prapavija.
Po këtu? Apo është Sekret? Nuk po barazoj Shtetin me terroristët, por ta kishe bërë pak më interesant këtë shfaqe policore. Ta shisje më bukur, që ti pëlqente edhe SHEFIT MADH edhe shefit vogel.
Në fund, merre këtë letër dhe gjeji vendin Drejtor Veliu se nuk po qeshin vetëm qytetarët por edhe terroristët.
