Këshilli i Emërimeve në Drejtësi ka nisur pikëzimin dhe vlerësimin e kandidatëve për Gjykatën Kushtetuese të propozuar një ditë më parë nga Presidenti Ilir Meta.
Referuar një njoftimi zyrtar nga KED, për vlerësimin e kandidatëve janë caktuar 3 këshilltarë të Gjykatës së Lartë, 1 për dy kandidatë, ndërsa relatori është Eriol Roshi.
Njoftimi i KED
Në zbatim të nenit 226/2/a dhe pikës 2 të nenit 7/b të ligjit nr. 8577/2000 si edhe akteve nënligjore të miratuara nga KED, Këshillii Emërimeve në Drejtësi, ditën e martë, datë 22.10.2019, ora 17.30, organizoi mbledhjen e radhës ku sipas rendit të ditës, në këtë mbledhje u vendos:
1. Fillimi i procedurës së verifikimit, vlerësimit, pikëzimit dhe renditjes së kandidaturave për vendin vakant në Gjykatën Kushtetuese, vakancë e parakohshme, shpallur nga Presidenti i Republikës, me Dekretin nr.11291 datë 27.09.2019.
2. Anëtar/Relator do të vazhdojë të jetë Z. Eriol Roshi, sipa shortit të datës 05.04.2019. Anëtari relator do të mbështetet nga këshilltarët e Gjykatës së Lartë posaçërisht të ngarkuar me detyra pranë KED-së. Për qëllime të ndarjes së ngarkesës së punës, këshilltarët do të kryejnë detyrat e tyre në lidhje me kandidatëtë caktuar, sipas rezultatit vijues të shortit:
– Këshilltari Saimir Nazifi në lidhje me kandidatët Prel Martini dhe Vjosa Bodo.
– Këshilltari Florian Kalaja në lidhje me kandidatët Envi Hicka dhe Ded Kasneci.
– Këshilltari Besmir Rrapaj në lidhje me kandidatët Shaqir Hasanaj dhe Vasil Bendo.
KED fillon pikëzimin dhe vlerësimin e kandidatëve për Kushtetuese, emrat e të cilëve kaluan nga Presidenti Meta dje.
1. Zoti Dedë Kasneci
2. Zoti Envi Hicka
3. Zoti Prelë Martini
4. Zoti Shaqir Hasanaj
5. Zoti Vasil Bendo
6. Zonja Vjosa Bodo Mujo
