Qeveria Rama dështoi të marrë hapjen e negociatave në 17-18 tetor, ndërsa Kryeministri Edi Rama ka përjashtuar çdo përgjegjësi të tij dhe ekzekutivit lidhur me vendimin negativ.
Në deklaratat publike, Rama ka fajësuar Francën për veton që i vuri Shqipërisë, ndonëse Presidenti Emmanuel Macron ka deklaruar se shumica e vendeve të BE ishin kundër hapjes së negociatave.
“Nuk pati unanimitet për negociatat! Nuk është faji i Shqipërisë dhe Maqedonisë së Veriut”, është një pjesë e deklaratës së Presidentit në ikje të Këshillit Europian, Donald Tusk, që është përdorur nga Rama, pas akuzave të opozitës.
Rama ka publikuar në rrjet një fotomontazh të Tusk dhe Kreut të PD-së, Lulzim Basha, i cili akuzon Ramën si përgjegjës për mos-hapjen e negociatave.
“Vendimi për të mos hapur negociatat është dështim i qeverisë shqiptare”, deklaroi Basha.
