Pas miratimit të Kuvend të Reformës në Drejtësi, në një prononcim për mediat, Ambasadorja gjermane në Tiranë, Susanne Schütz ka nënvizuar rëndësinë e madhe për implementinin e saj.
“Vlerësojmë shumë që reforma në drejtësi kaloi. Është shumë me rëndësi që kjo reformë në drejtësi të mos mbetet vetëm në letër, por të implementohet. Shpresoj se 7 pr/ligjet që duhej të kishin kaluar të enjten do të kalojnë sa më shpejt të jetë e mundur. Pa implementim reforma në drejtësi nuk ka vlerë, ky është mesazhi më i rëndësishëm që do të jap”, tha Ambasadorja.
Duke e quajtur hap pozitiv miratimin e saj në Kuvend mesazhi që ajo kërkoi të përcjellë në një prononcim për median është “Pa implementim reforma në drejtësi nuk ka vlerë”
Ambasadorja tha se zbatimi i reformës është hapi më i rëndësishëm sa i përket integrimit në Bashkimin Europian.
Deklarata e ambasadores u bë pas ceremonisë së firmosjes së marrëveshjes për financimin e linjës së interkonjeksionit 400 kilovolt Shqipëri-Maqedoni mes ministrit të Energjisë dhe Industrisë, (MEI) Damian Gjiknuri dhe Ambasadores së Republikës Federale të Gjermanisë në Shqipëri, Susanne Schütz, nënshkruar sot paradite në Tiranë
