Një 50 vjeçar shqiptar u arrestua nga policia italiane pasi i kërkoi favore seksuale një gruaje në këmbim të dozave të kokainës.
Karabinierët e Cattolica arrestuan shqiptarin, me profesion bojaxhi, në kushtet e flagrancës për trajtimin e drogës në rrethanën rënduese të shitjes në këmbim të shërbimeve seksuale.
Policët vendosën nën survejim shqiptarin dhe ndërhynë në momentin që ai po përgatiste dozat e kokainës.
Ata gjetën shqiptarin tërësisht të zhveshur, ndërsa gruaja u përpoq të vishej. Karabinierët më vonë zbuluan se shqiptari i kishte ofruar klientit të tij një gram kokainë në këmbim të seksit.
Gruaja nuk kishte para, ajo ka pranuar se ishte e gatshme të pranonte propozimin e shpërndarësit, por ndërhyrja në kohë e polisë shmangu çdo kontakt midis të dyve.
Shqiptari pritet të njihet të hënën me masën e sigurisë.
