Ka mjaftuar pak, fare pak që libanezet të dalin në rrugë e ti vënë zjarrin vendit duke kërkuar largimin e qeverisë së tyre.
Një taksë e cilësuar “absurde” ajo mbi aplikacionin Whatsapp i ka dhënë jete një numri të madh protestash të dhunshme në kryeqytetin Beirut dhe mjaft qytete të tjera. Partitë opozitare kanë dalë në rrugë krah qytetareve duke kërkuar largimin e qeverisë të cilën e konsiderojne të korruptuar. Qytetaret shprehen se jetesa në Liban është bërë shumë e shtrenjte pikërisht për shkak të rritjes dhe shtimit të taksave ndërsa rrogat kanë mbetur të uleta.
Ata të cilët dolën të parët në rrugë sapo qeveria njoftoi aplikimin e një takse për të gjithë ata që përdorin aplikacionin Whatsapp në telefonin e tyre ishin, banorët e periferisë së Beirutit të cilët janë më të varferit e kryeqytetit.
Në pankartat e tyre antiqeveritare vihej re e njëjta kërkesë si ajo e protestave arabe ne 2010-2011 “Popolli kërkon largimin e regjimit”. Përplasjet me policinë kanë qënë të forta ndërsa zjarret janë ndezur gjithandej duke djegur prona publike por edhe biznese.
Kryeministri Saad Hariri doli në TV dhe kërkoi 3 ditë kohë për të të marrë një vendim, por as kjo gjë nuk i qetësoi protestuesit.
