Përmeti është tronditur sot nga vrasja e një të riu. Ngjarja e rëndë ka ndodhur në fshatin Topojan të Këlcyrës, ku 65-vjeçari Kujtim Bejollari ka qëlluar me armë gjahu, 28-vjeçari Elidjan Pashaj.
Policia thotë se krimi ka ndodhur pas një konflikti të çastit mes autorit të dyshuar dhe viktimës.
Menjëherë pas ngjarjes shërbimet e policisë së Përmetit kanë vënë në pranga 65-vjeçarin Bejollari, banues në Durrës, ndërsa vijojnë hetimet për zbardhjen e rrethanave të kësaj ngjarjeje të rëndë.
Përmeti është një nga rrethet më pak të përfolura në ngjarjet e kronikës së zezë, kjo pasi në vitin 2015 në këtë qytet nuk është regjistruar asnjë vepër penale.
