Në një intervistë në emisionin “Mos i fol Shoferit“, Artan Lame, drejtor i Përgjithshëm i Kadastrës, ka zbuluar një rreng që i ka bërë bashkëshortes së tij, vite me parë. Lame ka rrëfyer se në 2013 nuk ka qenë mirë ekonomikisht pasi ishte i papunë dhe e shoqja i kërkonte një dhuratë që s’mund t’ia bënte.
Në kushte të tilla, Lame u shpreh se i ka çuar bashkëshortes vetëm kutinë bosh të dhuratës, të cilën më pas ia ka blerë kur nisi punë në shtet.
“Nuk e kam thënë asnjëherë por në vitin 2013 nuk kam qënë shumë mirë ekonomikisht se kam qënë pa punë, tani duhet thënë jam mirë sepse puna në shtet ka benefite, ka gjëra të paguara, por atëherë merresha me punë civile. Ajo kishte dëshirë një dhuratë që unë nuk mund t’ja bleja dhe i cova vetëm kutinë bosh të asaj që ajo donte dhe kur hyra në punë vite më vonë ia bleva dhe atë që donte patjetër, është shprehur ai”, për Rudina Dembacaj.
