Kryeministri Rama njihet për propagandën e tij mediat dhe ndërhyrjet në mediat, madje hapi dhe televizion të tijin për ta përcjellë lajmin ashtu siç do ai te publiku. Por këtë zakon duket se ai e ka pasur që në fillimet e karrierës së tij në politik.
Gazetarja Anila Basha mbrëmjen e djeshme ka qenë e ftuar në emisionin “Suiree” ku tregoi detaje nga fillimet e para si gazetare tek “Koha Jonë”.
Basha tregoi një rast se si lajmi që kishte gjetur dhe që mendonte të hapte gazetën nuk u publikua pas një ndërhyrjeje të Edi Ramës.
“Kam pasur Shkullakun asokohe kryeredaktor tek gazeta ‘Koha Jonë’ dhe Edi Rama ka qenë Ministër Kulture. I kam gjetur Ramës një vendim qeverie për një monument kulture dhe ai më kapi dhe më tha që nuk ke për ta bërë lajm. Unë më arrogancën time i kam thënë ‘kush je ti? Lajmin sigurisht që do ta bëj’, ndërkohë ai me batutat e veta që të çarmatoste’. Më pas iki me gjithë qejf në redaksi sepse kisha lajmin ekskluziv për të hapur gazetën, por lajmi i Ramës kishte shkuar më herët tek Armand Shkullaku përpara se të shkoja unë. Fillova të qaja se mezi e kisha gjetur atë dokument, ndërsa Edi Rama kishte bërë pazar me Shkullakun. Iku lajmi, u harrua, nuk u bë. Prandaj them që meshkujt janë për pazar, ndërsa ne jemi për sakrifica”, ka treguar Anila Basha.
