Qëndrimi i përfaqësueses së ambasadës amerikanë në Tiranë vijon të lërë për të dëshiruar te qytetarët shqiptarë.
Ditën e sotme, e ngarkuara me punë e ambasadës Leyla Moses-Ones, mori pjesë në hapjen e Institutit për Gratë në Politikat Kombëtare dhe Ndërkombëtare të Sigurisë.
Leyla Moses-Ones foli krah deputetes socialiste Ermonela Felaj dhe zëvendësministrit të Mbrojtjes Petro Koçi. Gjatë fjalës së saj, ajo vuri theksin te sfidat e grave.
“Shtetet e Bashkuara i kuptojnë sfidat strategjike me të cilat përballen gratë globalisht dhe pengesat për përfaqësim në udhëheqjen politike, dhunën e përhapur kundër grave dhe vajzave, pabarazinë e vazhdueshme. Por, këto çështje mund dhe do të tejkalohen me angazhimin tonë të përbashkët,” tha ajo mes të tjerash.
Ky prononcim është shpërndarë edhe nga faqja në Facebook e Ambasadës Amerikane në Tiranë. Në komentet që shoqërojnë postimin, qytetarë të shumtë shprehin zhgënjim për qëndrimin e ambasadës amerikane, sipas tyre, në favor të qeverisë.
Një qytetare, kujton “gratë e suksesshme” në vendin tonë.
“Se di per ke gra e ke fjalen ti, por per grate e politikes tone jane te gjithe me miliona euro pasuri, sepse kemi sistemin e drejtesise te copetuar. Grate ne politiken tona kane marre koncesione miliona euro, Spiropali 5 milion euro ne dogana, Vilma Nushi miliona euro koncesione ne shendetesi, kemi ministre Etilda Gjonaj, qe harxhon 900 euro nje nate ne hotel, kemi pastaj dhe keto grate qe marrin fondet europiane dhe amerikane gjoja per mbrojtjen e njerezve me aftesi te kufizuara, apo femijet jetime ne jetimore qe jetojne ne kushte skandaloze dhe shpesh here abuzohen nge punonjesit, kemi dhe avokaten e pooullit, qe asnjehere nuk ju gjend afer njerezve ne nevoje. Kemi dhe Arta Markun qe mbyll dosjet e politikaneve dhe akoma se ka arritur planin, deri sa te krijohet SPAK-u do kete mbyllur te gjitha dosjet e korrupsionit ne politike, ja pra qe kemi gra te suksesshme”, komenton ajo.
“A me Felajn e burrin e saj, ShBA do eci perpara me platformat per Shqiperine? A llogjikoni o Ambasada e SHBA se po na merrni ne qafe”, komenton një tjetër.
Të tjerë artikulojnë se Leyla Moses-Ones merr urdhëra nga manjati Xhorxh Soros. Ndërsa një tjetër qytetar sjell në vëmendje dënimin që dha një gjykatë në SHBA, lidhur me foton e kryeministrit Edi Rama me ish-Presidentin amerikan Barak Obama dhe pyet a do ketë hetim për kreun e qeverisë shqiptare.
Kjo nuk është hera e parë që pakënaqësia e qytetarëve shfaqet hapur ndaj qëndrimeve të ambasadës amerikane. Pak ditë më parë, ambasada u kryqëzua për qëndrimin e saj lidhur me dënimin e dhënë shërbim prove, nga Gjykata e Krimeve të Rënda për ish-ministrin e Brendshëm, Saimir Tahiri.
