Ditët e fundit, në mediat sportive doli lajmi se futbollisti shqiptar Andrea Ndoj po kontaktohej nga Greqia të cilët po bënin gjithçka për ta bindur duke i ofruar dhe shiritin e kapitenit.
Por tani s’ka më dilema pasi, futbollisti i Olimpiakos U-17 është grumbulluar nga Greqia U-17 për ndeshjen e radhës që do të kenë këta të fundit në miqësore ndaj Qipros. Në listën zyrtare që është bërë publike nga ana e trajneri të kësaj grupmoshe te helenët, shihet edhe grumbullimi për herë të parë i Andrea Ndoj.
Mesfushorit shkodran është një lojtar me kualitete të mëdha dhe që pritej me shumë interes edhe nga ana e tifozëve shqiptarë. Në muajt e fundit do të bënte edhe një jehonë të madhe në mediat sportive shqiptare, pasi arriti t’i shënonte Barcelonës U-17 duke i marrë të gjithë lojtarët kundërshtarë “zvarrë”, për të dërguar topin në rrjetë.
