24 orë nga momenti final është arritur edhe marrëveshja e shumë pritur për miratimin me konsensus të Reformës në Drejtësi.
Finalizimi i Draftit për Reformën në Drejtësi është konfirmuar përmes një prononcimi për mediat nga kreu i opozitës, Lulzim Basha pas një komunikimi me Komisionerin e Be për Zgjerim, Johanes Hahn.
Deklarata e Bashës
Sapo kam përfunduar një komunikim intensiv me partnerët europianë dhe amerikanë dha jam para jush për të ndarë lajmin e mirë.
Pas komunikimit të fundit të rakorduar nga komisionari Hahn, roli i ndërkombëtarëve rekomandues, vendimmarrja mbetet në duart e kushtetutës shqiptare. Nuk do të përjashtohet asnjë qytetar nga konkurrimi mbi bazën e opinioneve por vetëm mbi bazën e fakteve dhe provave.
Konkludimi i këtyre 2 çështjeve të lëna si litarë jashtë në negociatat e së hënës është edhe konkludimi i betejës së PD.
Kjo betejë e fundit ka patur 2 qëllime të mbrojë kushtetueshmërinë, parimin e shenjtë se askush nuk mund të ketë pushtet pa patur llogari dhënie, ka patur në qendër të saj të drejtat dhe liritë e njeriut si ADN-ja e PD-së, i krijimit të saj dhe qëndrimit të saj. Nuk mund të presim dhe as nuk kërkojmë dot që Europa të na trajtojë si të barabartë nëse e trajtojmë veten më ulët.
Kemi bërë këtë betejë, pas shumë e shumë betejash të tjera të fituara e të mishëruara në një draft të standardeve evropianët dhe atlantike, të mishëruar me opinionin e Venecias. Beteja ja vlejti!
Shumë miq kanë pyetur dhe kanë shtruar me admirim ose pikëpyetje se cili ishte motivimi për këtë betejë, ju them se qëndresa jonë dhe besimi im i palëkundur në një arritje pozitive bazohet në 2 pika: Së pari se shqiptarët meritojnë një standard evropian. Kjo është bindja ime e thellë personale, si një njeri i ekspozuar ndaj këtyre vlerave perëndimore.
Bindja ime e dytë ka qenë se partnerët tanë të çmuar, aleati ynë strategjik SHBA-të, dhe BE-ja nuk do të pranonin kurrë asgjë më pak se standardet e vendeve të tyre. Ndaj nuk jam lëkundur në asnjë çast, jo për kryeneçësi as për populizëm. Të hiqja dorë nga këto 2 parime do të thoshte se të hiqja dorë nga vetja ime. Kjo betejë sot përmbushet me një fitore. Jo fitoren e Lulzim Bashës dhe as të PD-së, por të çdo shqiptari, duke nisur nga kryeministri deri tek çdo qytetar, si të barabartë para ligjit.
