I ftuar në studion e Eni Vasilit, ish deputeti Ervin Salianji deklaroi se nuk ka një marrëveshje Basha –Rama dhe nuk ka një tentativë.
Ndërkohë Salianji nuk e heq mundësinë e një bashkëbisedimi mes Bashës dhe Ramës, por duke mos i lëvizur kushte e vendosur.
“Do ta shikoni , ne jemi në vijim të strategjisë sonë, jemi në fund të saj dhe të gjithë shqiptarët diskutojnë me të drejtë sot, sepse nuk kanë një fuqi për të duruar një qeverisje të tillë të drejtuar nga Edi Rama”, tha Salianji
Salianji iu përgjigj edhe pyetjes së gazetarit Bollinos, se nëse situata nuk ndryshon a do të marrë pjesë PD në zgjedhjet e vitit 2021? Salianji tha se do ta ndryshojnë shumë shpejt situatën dhe nuk do të presin vitin 2021.
Pa asnjë dyshim, tha Salianji, nuk do të ketë zgjedhje me Edi Ramën.
