Ish-presidenti i Lega Pro, Mario Macalli, ka shpërthyer kundër Juventusit për mënyrën se si u soll me Massimiliano Allegri, që u shkarkua edhe pse “u shit” sikur ishte thjesht një ndarje e bashkëmenduar.
“Ka një detaj ose faktor tani: nuk ekziston më trajneri ose njeriu që mendonte për të fituar ndeshjet dhe ky është problemi! Problemi është se Allegri nuk shihte në sy askënd dhe futbollistët ishin të kujdesshëm për të bërë se çfarë u kërkohej, ndryshe askush nuk luante”.
“Tani është një situatë ku po mundohen që të çojnë në Katar një si Mandzukic që zgjidhte një sërë problemesh sezonet e shkuara. Në mesfushë është Emre Can që tani nuk bën më sipas klubit! Hedhin në fushë një futbollist premtues, që i tillë nuk është më sepse mosha ecën. Bernardeschi është askushi! Në vend që të ecë përpara ecën mbrapa.
“Nuk e di. Kanë afruar dy futbollistë me parametra zero: Ramsey nuk dihet ku ka shkuar, gjithmonë i dëmtuar. Rabiot ka marrë një thes me para dhe qëndron në stol”.
“Hedhin në fushë një fenomen, sipas tyre, që nuk e ka idenë taktikisht dhe nuk e di se ku është. Po flasim për Bentancur. Nuk e di çfarë të mendoj!”.
“Tani, do të shkojnë të luajnë në Madrid dhe do të shohim gallatë! Nuk është kritikë, por një konstatim që askush nuk bën, sepse kur flitet për Juventusin duhet të kesh kujdes. E dimë të gjithë se ata kanë një klub të pushtetshëm, me njerëz të fuqishëm edhe në aspektin profesional, por ajo që bënë këtë vit me Allegrin i ka vendosur në një pozitë që në fund të kampionatit dikush duhet të paguajë”.
