Një aksion i madh i policisë greke, kundër trafikut ndërkombëtar të armëve dhe municioneve u zhvillua sot në zonën e Kretës.
Mediat greke raportojnë se grupi kriminal ishte pjesë e trafikut të armëve dhe të municioneve, ndërsa u arrestuan 16 persona.
11 prej të arrestuarve janë grekë dhe 5 të huaj. Të arrestuarit janë nga mosha 31 deri në 64 vjeç dhe ato akuzohen për krime që lidhen me formimin dhe pjesëmarrjen në grupe kriminale aktive.
Sipas hetimeve, autorët kishin importuar nga Shqipëria armë luftarake dhe municione. Grupi përbëhej nga dy “bërthama”, një prej të cilave me shqiptarë, që kishte si detyrë sigurimin e armëve dhe municioneve, ndërsa grupi tjetër ishte me grekë, që kujdeseshin për transportin.
Hetimi policor tregoi se nga nëntori i vitit 2018 e deri më sot, ky grup kriminal, me të njëjtën rrjedhë veprimi, kishte kryer katër importe të një numri municionesh të paspecifikuar nga Shqipëria.
Operacioni policor u organizua nga Departamenti i Hetimit Penal i Drejtorisë së Përgjithshme Rajonale të Policisë Kretë, në bashkëpunim me oficerët e policisë nga Rethmnos, Hanias, Igoumenicës, Drejtoria e Forcave të Sigurisë së Eordias se Kozanis dhe Forcave te rojave bregdetare dhe kundër drogës.
Policia greke ka bërë të mundur dje (14.09.2019) në Hania të Kretës një kontroll në në një automjet, që drejtohej nga një 54-vjeçar, ku u gjetën dhe sekuestruan:
4 armë lufte tip kallashnikov, 6 karikatër kallashnikov si dhe 122.566 fishekë pushkësh kallashnikov,
Sipas autoriteteve greke është konstatuar se autorët e lartpërmendur kishin importuar armët dhe municionet nga Shqipëria.
Transporti i municioneve bëhej me makinë, drejtuar nga dy persona 54 dhe 59-vjeçar, që merrnin furnizimet nga Shqipëria, duke përdorur vendet e kullotave në Epir dhe strehimin e tyre në Maqedoninë e Jugut, Greqi.
Si pjesë e operacionit të gjerë, është ngritur dosja e çështjes penale kundër njëmbëdhjetë shtetasve grekë dhe pesë të huaj, të cilët u arrestuan për kryerjen e veprave penale dhe përfshirjen në një grup kriminal të angazhuar në trafikim të paligjshëm të armëve dhe municioneve.
Hetimet janë kryer edhe në shtëpitë e 55-vjeçarit në Thesprotia, të 64-vjeçarit në Kozani dhe në shtëpinë 31-vjeçari dhe 42-vjeçari në Rethymnon, ku u gjetën dhe konfiskuan armë luftarake, telefona celularë, karrta telefoni, dhe armë gjahu si dhe karikatorë kallashnikov, si dhe u sekuestruan dhe dy mjete që ishin përdorur në transportimin e municioneve.
Në përfundim hetimi policor tregoi se përfitimi i paligjshëm financiar që anëtarët e grupit kriminal do të nxirrnin nga trafikimi i paligjshëm i municioneve në atë ngarkesë ishte vlerësuar në 232,000 €.
Hetimi paraprak po kryhet nga Departamenti i Krimit të Organizuar i Drejtorisë Rajonale të Policisë Kretë.
