Ka ndërruar jetë nefrologu-internist i mjekësisë shqiptare Arqile Gjikondi. Kolegu dhe mikut Tritan Kalo shpreh dhimbjen për largimin e parakohshëm nga jeta të Gjikondit, duke kujtuar të kaluarën në universitet dhe miqësinë e mirë që ruajtën për shumë vite.
‘’Të qoftë i lehtë dheu Dr. Alqi Gjikondi….Në momentet e fotos sonë të fundit të bërë disa javë më parë te ‘Fresku’, unë KURRË nuk e mendoja se vjen kjo ditë, dhe ti do të largohesh prej nesh fizikisht, kolegu dhe miku ynë i shtrenjtë…..Kemi nisur së bashku një rrugëtim shumë të gjatë prej 1 Shtatorit 1976 në bangat e Fakultetit të Mjeksisë dhe pas Diplomimit në 30 Qershor 1982, duke ecur me përkushtim, profesionalizëm dhe mirëdashje pa anë nëpër labirinthet e përkujdesit shëndetsor ndaj popullit, rrugëtim që do dëshiroja ta vijonim së bashku edhe më tej….. Dr. ALQI GJIKONDI, kurdoherë ishe, je dhe do të mbetesh në mëndjet dhe zemrat tona, i urti, i mënçuri, i qeshuri, gojëmjalti, bashkëshorti e prindi shëmbullor, mjeku pasionant e miku ynë i shtrenjtë…..R.I.P.!!!’’
