Nga Boldnews.al
Tirana po kthehet në një qytet të pabanueshëm. Punimet njëkohësisht në disa vende kanë shkaktuar një re të madhe pluhuri. Disa lagje janë mbytur nga këto “re”, ndërsa deri më tani nuk është marrë asnjë masë. Përveç kësaj situate, Bashkia nuk ka bërë publik asnjë prej këtyre ndërtimeve, duke i mbajtur të fshehta. Aq më tepër dhe vlerën e tyre. Megjithëse po bëhen këto vepra, qytetarët vazhdojnë të varfërohen përditë, pasi iu janë shtuar disa taksa.
Veliaj ka hapur procedurën me objekt “Rikualifikim urban i bllokut nr. 1 Lapraka, kufizuar nga rrugët “Don Bosko”, “Shinat e Trenit”, “Turhan Pashë Përmeti”, “Ibrahim Pashë Bushatlliu”, “Lord Bajron”, “Riza Cuka”, “Learton Vathi”, “Pandi Dardha” dhe “Dritan Hoxha”. Fondi limit është 343.769.360 lekë, ndërsa burimi i financimit është vënë në dispozicion nga Komiteti për Zhvillimin e Rajoneve. Afati për kryerjen e punimeve është 18 muaj kalendarike duke nisur nga dita e lidhjes së kontratës. Data e zhvillimit të tenderit është 1 gushti 2016, ora 11:00.
Sipas dokumenteve nga Boldnews.al destinacioni i këtij studimi është përcaktimi i karakteristikave fiziko- mekanike të dherave dhe shkëmbinjve që takohen në zonën ku shtrihet objekti i kontratës së sipërpërmendur.
Zona ku shtrihet objekti i kësaj kontrate, është në perëndim të rrugës “Don Bosko”. Zona ku do të kryhet ndërtimi përfaqëson teracën e lumit Tirana. Teraca ndërtohet nga formacionet gjysëm shkëmbore të Neogjenit të cilët përajrohen lehtë nga agjentet atmosferikë dhe lagështira. Mbi këto shkëmbinj janë të vendosura depozitimet aluviale të lumit Tirana që kanë trashësi mbi 9.00-15.00 m.
