Vendosja e kangjellave në trotuar, nga Bashkia e Tiranës, ka sjellë përplasje mes pronarëve të dyqaneve dhe policisë bashkiake. Përplasja është shënuar në zonën e Laprakës, pranë Doganës.
Sipas pronarëve të dyqaneve, vendosja e kangjellave nga Bashkia, bllokon hyrjen e këtyre bizneseve, çka mund t’i çojë drejt falimentit ato.
Një nga pronaret e bizneseve, e cila ishte shtatzënë, shprehet se është dhunuar nga Policia Bashkiake.
“Duhet me i marrë fëmijët nga shtëpia dhe t’i ushqej në rrugë. Të lypë në rrugë. Po na prishnin biznesin. Njëri nga policët më ka qëlluar në bark”, u shpreh gruaja, e cila është transportuar drejt spitalit me një ambulancë.
