Instagram është një ndër rrjetet sociale më të përdorura në të gjithë botën. Por gjithë ky sukses ka dhe një anë tjetër, atë të bullizmit të përdoruesve.
Shumë përdorues ushtrojnë trysni dhe presion tek të tjerë duke sharë dhe ofenduar nëpër komente, duke bërë kështu bullizëm ndaj njerëzve të thjeshtë e më shumë tek të famshmit.
Shumë prej të famshmëve me qindra miliona përdorues kanë mbyllur profilet në Instagram pikërisht për shkak të komenteve të shumta negative që kanë marrë.
Për këtë arsye, Instagram shumë shpejt do të ketë një opsion shtesë vetëm për komentet që tregojnë bullizëm.
Në momentin që do të komentojmë menjëherë do të shfaqet një tabelë ku tregon se komenti është ose jo bullizues.
Gjithashtu edhe personi që do të hedhë foton ose videon do të ketë mundësi të zgjedhë komentet që dëshiron, nëse dikush komenton fjalë që nuk janë pjesë e listës, ai do të fshihet automatikisht.
