Që prej datës 1 korrik në Shqipëri kanë nisur të zbatohen rregulla të reja të kolaudimit të automjeteve.
Këto rregulla kanë të bëjnë me normat e lejimit të gazrave që lëshojnë makinat, për t’i përafruar ato me Bashkimin Europian.
kështu, me normat e lejuar të emetimit të gazrave do të jetë 20 % më e ulët.
Për makinat e vjetra, norma do të jetë më e lartë.
Nëse mjetet motorike nuk e kalojnë testin e emetimit të gazrave pronarët mund të kërkojnë ripërsëritjen e tij. Në të kundërt do të duhet t’i drejtohen mekanikut për të zgjidhur problemin.
Ministria e Transporteve po i praktikon normat e reja në një kohë kur drejtuesit e saj janë në dijeni se nafta dhe benzina që shiten në Shqipëri kanë probleme me cilësinë. Cilësia e karburanteve është një ndër shkaqet kryesore të moskalimit të testit të kolaudimit nga automjetet.
