Presidenti i Komisionit të Venecias, institucionit që është kthyer në lajmotiv të deklaratave të politikanëve shqiptar për reformën në drejtësi, apelon për kulturë demokratike për përmbushjen e të gjitha reformave.
Duke folur në takimin vjetor i drejtorëve të “21 Shkollave Politike” të Këshillit të Evropës, Gianni Buquicchio nënvizoi faktin se reformat e rëndësishme kanë nevojë për kulturë demokratike.
Bukikio tha se Venecia do të vijojë asistencën pavarësisht kritikave. “Ne do të vazhdojmë të ofrojmë ekspertizën tonë sa herë që të na kërkohet, pavarësisht kritikave apo sulmeve që mund të na vijnë nga politikanët”, theksoi kreu i Komisionit të Venecias.
