Kryeministri Edi Rama ka reaguar pas deklaratave të kreut të PD-së Lulzim Basha nga selia blu, më herët gjatë kësaj të marte.
“Artist, ti nuk zhgënjen kurrë, je njish! Je i pandehur për qindramijëra euro ruse a dreqi e di ç’janë,të cilat po dreqi e di sa versione do sajosh deri në gjyq për t’i justifikuar dhe del e bilbilon për krimin që do paguaka avokatin gjerman për të luftuar lirinë e medias në Gjermani”, shkruan Rama në Twitter.
“Se kuptove kurrë o njish që është shah politika,jo kukamçefthi as topa luftash, po mos u mërzit! Gjyqi do bëhet në Gjermani, faturat do publikohen në Shqipëri dhe e vërteta për tërë atë çorbë të prishur që gatuat,për ta helmuar këtë vend e miqtë e tij,do dalë e plotë. Gjermanisht”, shton kreu i qeverisë, dhe reagimin e mbyll me një “emoji grusht”.
