Debate lidhur me zgjedhjet është ndezur në emisionin Tempora të Sonila Meços, ku ishte e ftuar për të folur edhe nënkryetrja e Kuvendit Vasilika Hysi.
Hysi u ndodh ngushtë përballë pyetjeve të shumta të moderators Meço si dhe përballë akademikut Artan Fuga.
Pyetjes së Sonila Meços se pse e botuan në fletoren zyrtare dekretin e metës, kur tashmë nuk e respektojnë, Hysi iu përgjigj: Kemi publikuar një gafë juridike në fletoren zyrtare.
Meço: Sa gafa të tjera keni botuar në fletoren zyrtare?
Hysi: Kolegët e mi e gjykojnë se është shkelur rëndë kushtetuta dhe ligji. Është një process i cili i ka hyrë procedurës kushtetuese dhe ligjore dhe që do të vazhdojë.
Vendimi i Metës është një vendim politik për të krijuar dialog. Ne jemi të lirë të mëndojmë ndryshe.
Hysi iu përgjigj edhe pyetjeve të akademikut Artan Fuga:
Fuga: Unë sot kam mendimin tim nëse opozita bëri mirë apo keq që iku nga parlamenti. Jam në pozicionin e një qytetari. Ka në korpusin ligjor të shtetit shqiptar një nen që e pengon një parti që në një moment të caktuar të thotë unë do largohem nga Kuvendi?
Si mund t’i thuash dikujt që ka një të drejtë të largohet nga zgjedhja?
Hysi: Në nenin 45 të Kushtetutës thuhet që secili ka të drejtë të zgjedh dhe të zgjidhet. Nuk ka ndonjë pengesë që ta detyrosh një parti të marrë pjesë në zgjedhje. Por moralisht dhe politikisht ajo parti ka të drejtë të marrë pjesë në zgjedhje. Ne në Kodin Zgjedhor nuk e kemi këtë detyrim.
Fuga: Unë do ta kuptoja KQZ dhe Kolegjin Zgjedhor nëse do t’i thoshte Idajet Beqiri,t t’i do largohesh, por ne nuk do ta heqim emrin nga fleta, sepse unë nuk mund të qëndrojë me dhunë, është paradoks me dhunë. Ai Kod Elektoral nuk e ka parashikuar këtë veprim. Nuk mundet dot që një parti që s’do të kandidoj të kandidoj.
Hysi: Çdo subjekt politik ka të drejtë të regjistrohet dhe kur vendoset të jetë në garë elektorale është e drejtë dhe detyrim i tyre. Beqiri e vuri Kolegjin Zgjedhor në lëvizje, dhe ai ka të gjithë të drejtën të mos votohet.
