Këtë lloj optike do ta kishte zili edhe autori i kazanit, Edi Rama. Botuesi i Shqiptarja.com, Carlo Bollino ka shkuar shumë larg, sot në ditën kur Bild pritet të publikojë përgjimet e reja, duke e akuzuar kolegun e tij gjerman Peter Tiede, si militant të opozitës. Bolino ka sjellë disa shembuj nga Italia dhe Europa ku prokuroria heton vjedhjen evotave nga mafia duke thënë se kundër këtij fenomeni askush nuk merr guximin të qëllojë më molotov.
Në fakt faktet e Bollinos janë të vërteta, por në ato vende opozitat sillen ashtu sepse pushteti nuk i ka caktuar vetë prokurorët dhe shefat e tyre dhe aty hetimet shkojnë deri në fund dhe CD nuk mbahen në sirtare. Por këtu më e rëndësishme nuk është kjo. E rëndësishme është se italo shqiptarit Bolino, gjithçka në këtë vend i duket normale dhe quan militantë ata gazetarë perndimorë që Shqipërinë e vizatojnë si një shtet gangster. Prandaj sot në ditën kur Bild pritet të publikojë përgjimet e reja ai i përvishet Tiedes me të njëjëtn gjuhë si Blerina Gjylameti: “Ndoshta edhe Peter Tiede, gazetari i çuditshëm gjerman, do të kishte shpëtuar nga transformimi kurioz që i ndodhi. Ai ne fakt me shumë se nje profesionist europian që investigon realitetin shqiptar me ekuiliber, distance dhe paashmeri, ngjan me shume me një militant gjerman të opozitës, duke arritur të postonte mesazhe në gjuhën shqipe, pa kuptuar as se ç’shkruante. Ai me shume se reportazh boton analiza personale te paraqitura si investigime, duke perdorur dokumenta te servirura nga nje pale pa respektuar parimin e gazetarisë europiane të degjojë edhe palen tjeter. Në vend që të importonte me përulësi në Shqipëri gazetarinë më të mirë evropiane, në fakt po bëhet, me shpejtësinë e një kameleoni, simboli i gazetarisë më të keqe shqiptare” thotë carlo Bolino
