Presidenti Ilir Meta pritet të zhvillojë një takim me ambasadorët e akredituar në vendin tonë në orën 10 të paradites. Gjithashtu, thanë burime pranë Presidencës, pritet një takim me kreun e PD-së Lulzim Basha më vonë gjatë ditës së sotme, megjithatë ende nuk bëhet i ditur orari.
Në qendër të diskutimeve të këtyre takimeve parashikohet të jetë situata politike në vend, vendimi i Metës për shtyrjen e zgjedhjeve dhe data e re, që pritet të përcaktohet. Presidenti u ka bërë thirrje palëve politike të bashkëpunojnë mes tyre për tu dakortësuar për një datë të re zgjedhjesh.
Ndërkohë, Presidenti Ilir Meta do të ketë një tjetër konferencë për shtyp sot në ora 17:00, lajmëroi zyra e shtypit pranë Presidencës. Në të njëjtën kohë kur pritet të përfundojë seanca e mocion debatit të thirrur nga socialistët në Kuvend pikërisht për të kundërshtuar vendimin për anulimin e zgjedhjeve.
Pasditen e djeshme, Meta u takua me kryetaret e partive të vogla opozitare. /BN/
