Meteorologia Adiola Bami jep lajme të mira për të gjitha ata që janë lodhur nga shiu dhe duan t’i rikhthehen plazhit për këtë vit.
Në një lidhje telefonike për Report Tv, Bami tha se në zonën ku kanë rënë tërmete në Korçë, do të pushojë shiu.
“Rikthimi i ditëve me diell, pas ditës së enjte. Në Korçë, në zonën e tërmetit do të ndalojnë reshjet e shiut.”-tha Bami.
Prej tri ditësh, qyteti i Korçës dhe tri fshatra janë nën terrorin e lëkundjeve të tokës. Dhjetra goditje janë regjistruar, ndërkohë që 194 banesa janë të dëmtuara, 94 prej të cilave janë të pabanueshme.
Banorët janë konfliktuar sot me prefektin e qytetit lidhur me kushtet e çadrave, si dhe kanë denoncuar se kushtet janë skandaloze dhe se ndodhen pa ushqim.
