Ish-kryetari i KQZ, Kristaq Kume është shprehur se zgjedhjet e 30 qershorit mund të shtyhen vetëm nga Presidenti Ilir Meta.
I ftuar në Report Tv, Kume duke iu referuar kushtetutës tha se Meta mund të ridekretojë zgjedhjet duke i shtyrë për sezonin e dytë që është 15-30 shtator.
“Data është pasojë e dispozitës në kushtetutë. Kodi zgjedhor e zbërthen. Duke iu referuar kushtetutës ne jemi një vend që kemi zgjedhur të qeverisemi nga zgjedhjet e lira ku zgjedhësit shprehen. E gjitha është ndërtuar rreth qeverisjes. Nuk i plotëson standardet për tu quajtur proces zgjedhor. Presidenti i Republikës për të shmangur këtë gjë mund të anashkalojë këtë dhe të mund të ridekretoj afatin për sezonin e dytë 15-30 shtator. Mundet, tjetër gjë nuk shoh”, ka deklaruar ish-kryetari i KQZ, Kristaq Kume.
