Një tjetër sezon i dështuar dhe tek Milan priten sërish ndryshime të mëdha. Prej ditës së sotme, Gennaro Gatusso nuk është më trajner i kuqezinjëve, edhe pse ka ende 2 vite në kontratë.
Largimi i tij vjen pas një takimi me shefin ekzekutiv të klubit, Ivan Gazidis mbrëmjen e djeshme.
“Vendosja për ta lënë stolin e Milanit nuk është e lehtë, por është një vendim, që duhet ta marr. Nuk kishte një moment të saktë, në të cilin e pata peshuar këtë vendim. Ishte shumatorja e këtyre 18 muajve si trajner i një ekipi, që për mua nuk do të jetë kurrë si të tjerët. Këto muaj jetova me pasion të madh, do të jenë muaj të paharrueshëm. A po heq dorë nga një kontratë 2-jeçare? Po, sepse historia ime me Milanin nuk mund të jetë kurrë një çështje parash”.
Ko do të thotë se kontrata është depozituar në zyrat e Ligës së Serie A. Por, mes Gattuso dhe Milanit, që në vitin 1999 e bleu atë nga Salernitana dhe i mundësoi karrierën e shkëlqyer mesfushorit energjik, ka lidhje shpirtërore më të forta se çdo kontratë. Kjo është arsyeja pse ai e anulon formalisht atë.
Me shumë mundësi pas Gatussos, largimi i dytë do të jetë ai i brazilianit Leonardo.
