Mediat greke kanë raportuar lidhur me krimin e ndodhur në Vlorë orët e para të mëngjesit të kësaj të hëne. Nga atentati, mbeti i vdekur Sotiraq (Raqi) Mehilli 22 vjeç, ndërsa u plagos shoku i tij Eno Mataj, 32 vjeç, i njohur edhe si “Maradona fluturues”. Ky i fundit, një emër i njohur për botën e krimi në Greqi, dyshohet se ishte objektivi i atentatit.
“Në kërkim ndërkombëtar” – Mediat greke raportojnë se Mataj është shpallur në kërkim ndërkombëtar nga autoritet greke për vrasjen e avokatit Michalis Zafiropoulos, megjithëse ky i fundit e ka mohuar të ketë gisht në krim.
Gjithashtu, nga shtypi grek raportohet se Mataj është arrestuar nga policia shqiptare pikërisht për këtë çështje.
Ndërkohë nga ana e policisë shqiptare nuk ka ende një konfirmim as për arrestimin e 32-vjeçarit dhe as për faktin se ai ishte apo jo në kërkim ndërkombëtar. Burime pranë grupit hetimor thanë për Boldnews, se po shkëmbehet informacion me palën greke për të verifikuar pikërisht nëse Mataj ka qenë në kërkim ndërkombëtar nga Greqia.
Atentati – “Rreth orës 01:10, në fshatin Poro (rrugë) në rrethana ende të paqarta është qëlluar me armë në drejtim të shtetasve E.M dhe S.M të cilët po udhëtonin me motorr. Si pasojë të dy shtetasit janë plagosur, ku rrugës për në spital ka ndërruar jetë 22 vjeçari S.M, ndërsa shtetasi E.M, 32 vjeç, ndodhet në gjendje të rëndë shëndetësore. Forca të shumta të Policisë Vlorë dhe FNSH-së po krehin zonën, ku në fshatin Bishan është konstatuar duke u djegur një automjet tip Mercedes Benz, i cili dyshohet të jetë përdorur nga autori/rët. Është ngritur një grup i posaçëm hetimor i cili vijon punën për zbardhjen e ngjarjes, identifikimin dhe kapjen e autorit/ëve“, njoftoi Policia.
/bn/
*Lexo edhe: Atentati në Vlorë/ Flet xhaxhai i viktimës: Krime kishte kryer…
*Lexo edhe: Vrasja në Vlorë, flet shënjestra: Dyshoj se atentati erdhi për shkak…
*Lexo edhe: Atentat gjatë natës, 1 i vdekur dhe 1 i plagosur
*LEXO EDHE:Vrasja e avokatit grek/ Ja letra qe Mata i la policisë greke
*LEXO EDHE: U vra në atentat gjatë natës, flasin banorët e zonës: Ishin…
