Të shtëna me armë zjarri janë dëgjuar në qytetin e Shkodrës mbrëmjen e sotme. Një i ri është gjetur i vrarë me armë zjarri rreth orës 19:05 në lagjen “Perlat Rexhepi”, rruga Lodovik Saraçi.
Sipas policisë viktima është Andrea Çobaj, i cili fillimisht u gjet i plagosur me një plumb në kokë në mjetin e tij “Wolksvagen Golf”, me targë AA686 DX, u dërgua në Spitalin Rajonal të Shkodrës në gjëndje të rendë. Nga plagët e marra, Çoba ndërroi jetë disa momente pas mbërritjes në spital.
“Nga rrethanat e para të këqyrjes po hetohen dy pista, ajo e vrasjes dhe vetëvrasja”, sqaron policia e Shkodrës.
Po ashtu në mjetin e viktimës është gjetur edhe një armë zjarri tip pisoletë dhe një fishek.
Grupi hetimor në vendngjarje po punon për sqarimin e rrethanave të ngjarjes.
