Një tërmet i fuqishëm, me magnitudë 8 ballë, ka goditur mëngjesin e së dielës pjesën veriore të Perusë.
Një tërmet i fuqishëm, me magnitudë 8 ballë, ka goditur mëngjesin e së dielës pjesën veriore të Perusë.
Qendra e Paralajmërimit të Tsunamit në Paqësor lajmëron se nuk ka alarm për tsunami pas tërmetit të fuqishëm. Ende nuk ka të dhëna për të lënduar apo dëme.
Lëkundje kanë zgjatur për më shumë se 2 minuta dhe janë ndjerë dhe në Kolumbi, Ekuador dhe Brazil.
Qendra Kombëtare e Operacioneve të Emergjencave në Peru ka shkruar në tweeter se tërmeti ishte ndjerë në disa rajone të vendit dhe monitorimi vazhdon.
“Deri më tani nuk janë raportuar viktima,” shkruhej në tweeter.
Ministria e brendëshme e vendit publikoi fotot e shtëpive të dëmtuara në rajonin e Amazonas të veriut, duke shtuar se policia ishte në vend për të mbrojtur zonat e prekura.
Presidenti i Ekuadorit Lenin Moreno gjithashtu shkroi: “Po pres informacionin për tërmetin e fortë të regjistruar këtë mëngjes”.
Në janar të vitit 2018, një tërmet me magnitudë 7.1 goditi Perën jugore, duke vrarë dy vetë.
Të paktën 65 vetë u plagosën në qytetet Arequipa, Ica dhe Ayacucho në Peru jugore, raportoi Instituti Kombëtar i Mbrojtjes Civile.
Më 15 gusht 2007, një tërmet me magnitudë 8.0 goditi rreth 100 milje në jug të kryeqytetit peruan të Lima, duke vrarë rreth 514 njerëz.
