Gazetarja e RTV Ora, Keti Banushi në një lidhje të drejtëpërdrejtë nga kryeministria njoftoi masat e Policisë së Shtetit lidhur me protestën e nesërme të opozitës, 25 maj 2019.
Gazetarja bëri e dije se në gatishmëri për protestën janë vënë rreth 1500 efektivë policie, gjithashtu edhe policë civilë.
Mësohet se opozita ka kërkuar rreth 5 orë leje për të protestuar, nga ora 19:00-23:59.
Keti Banushi: Ditën e nesërme janë parashikuar 1500 efektivë policie që do të jenë në terren, por krahas tyre do të ketë edhe policë civilë në terren, të cilët do të jenë në mbikqyrje të elementëve të rrezikshëm penalë.
Masa të shtuara janë edhe në kuadër të masave të sigurisë, që duhet thënë se nga policia kemi informacione se disa nga kamerat e sigurisë të vendosura në vendet kryesore dhe që kanë qenë objekt sulmi, vemë re ditën e sotme se janë zëvendësuar të vendosura në pikat kyçe.
Nga subjektet politike që do të kryejnë protestën është kërkuar një orao nga ora 19:00 deri 23:59. Sipas njoftimit të dhënë në polici do të jetë një protestë marshim në të gjitha rrugët e kryeqytetit, ndërsa nga policia e Tiranës kemi mësuar se PD-së i është kthyer përgjigja që të paktën protestuesit të qëndrojnë në bulevardin kryesor.
/Ora News.tv/
