Zgjedhja e Skënder Gjinushtit në krye të Akademisë së Shkencave, krijoi debat të madh publik ditën e sotme në vendin tonë.
Gazetari Klodian Tomorri, e ka cilësuar të turpshme zgjedhjen e Gjinushit me 85 për qind të votave si kryetar të ri të Akademisë së Shkencave.
Me anë të një postimi në Facebook, Tomorri shkruan se sot Shqipëria u ul në nivel edhe më poshtë se Uganda, e cila konsiderohet si vend i botës së tretë.
Me anë të një krahasimi të ngjashëm, Tomorri tregon se si kreu i Akademisë Kombëtare të Shkencave në Ugandë, edhe pse i papërlyer kurrë në politikë dhe me një CV tejet të pasur, nuk mori dot më shumë se 60 për qind të votave, duke treguar se akademikët e Ugandës janë edhe më të emancipuar se tanët, edhe pse konsiderohen vend i botës së tretë.
Ja postimi i Tomorrit:
Uganda perballe Shqiperise
Ne vitin 2014 Akademia Kombetare e Shkencave ne Ugande zgjodhi kryetar Nelson Seëankambon. Nje profesor mjekesie i diplomuar ne Universitetin e Torontos, Seëankambo eshte mjeku qe zbuloi i pari virusin HIV/AIDS.
Por ndonese eshte nje shkencetar me fame boterore dhe i paperlyer asnjehere me politike, kur kandidoi per kreun e Akademise Ugandeze mori me pak se 60 per qind te votave. Kjo eshte Uganda, vend i botes se trete.
Tani te vijme ne Shqiperi. Skender Gjinushi nuk ka as cerekun e CV-se dhe arritjeve shkencore te homologut ugandez. Prej 30 vjetesh nuk merret me me shkence, por ka bere llogje ne politike. Kur kandidon per kryetar te akademise se shkencave merr 85 per qind te votave. Plebishit shkencor.
Shqiperia do ishte nje vend shume me serioz nga sa eshte tani, nese ne Akademine e Shkencave do kishte patur 40 analfabete.
Skender Gjinushi mund te ishte zgjedhur kryetar prape. Por eshte e sigurte se 40 analfabetet nuk do i jepnin kurre 85 per qind te votave sa i dhane 40 shkencetaret qe kemi sot.
A ka akademi skencash ne bote qe voton me 85 per qind te votave nje politikan per kryetar? Edhe parimisht eshte e pakonceptueshme qe shkencetaret te votojne 85 per qind ne nje krah. Sepse nga natyra, intelektuali, shkencetari eshte njeri rebel, antikonformist.
