Si pas çdo edicioni të Festivalit Europian të Këngës “Eurovizion”, kontestimet nuk mungojnë në mënyrën sesi votojnë shtetet.
Së fundmi, aktori i humorit shqiptar, Visjan Ukcenaj me anë të një videoje në Instastory, është shfaqur i revoltuar për faktin se Italia nuk e vlerësoi këngën që përfaqësoi Shqipërinë në Eurovizion.
Ukcenaj ka shpërthyer në ofendime ndaj shtetasve fqinjë, duke theksuar se shqiptarët punojnë si pastrues në Itali dhe sipas tij duhen vlerësuar më shumë.
“Nuk më del inati me ato pikët e Italisë në Eurovision. Është e pamundur me këta makaronat, këta spagetit. Po si ore s’na jepni pikë, po jemi komshinj mo, ju kemi hy nëpër shpia, iu kemi pastru nënat, o ju, ju bëfshim nënat. Po s’bëhet kështu mor shok, po jemi fqinj. Ju ndërtoni biznese tek ne, keni hap 700 mijë call center-a italianë këtu,“- dëgjohet të thotë Visjani.
Këtë vit Shqipëria u përfaqësua nga Jonida Maliqi në Eurovizion me këngën “Ktheju tokës”. Jonida u rendit në vendin e 18-të, ndërsa Italia e vlerësoi me vetëm 1 pikë prformancën e Shqipërisë.
