Edi Paloka, nënkryetar i PD-së, ka reaguar lidhur me akuzat e drejtuesve të Rilindjes, sipas të cilëve opozita ka blerë gazetën Bild.
Kjo e fundit në ditët e fundit ka botuar një shkrim mbi zhvillimet në Shqipëri, ku evidenton lidhjet e mazhorancës me narko-trafikun.
Paloka në një reagim në rrjet, shkruan se pas Zërit të Amerikës që u vulos si kazan, nga Edi Rama, tani rradha është e Bild, gazetës më të madhe dhe më të rëndësishme në Europë.
Komenti i Edi Paloka
Pasi vulosen “kazan” “Zeri i Amerikes”, dje ishte rradha e “Bild”.
Gazeta me e madhe dhe me e rendesishme e Evropës dje u shpall si “e blerë” nga opozita…!!!
Prisni kur te dal Tao Palla sot e të thotë që opozita e bleu “Bild” me paratë e droges ose me milionat qe grabiti ne aeroportin e Rinasit ( e me që “ra fjala”; ku jane 10 milion eurot e bandës që “shkatrroi” Lleshi i Ramës…???!!!)
Rama është kthyer fix si ai gomari i fabulës që ndërsa e hante ujku thoshte me vete “ Jam në ëndërr”
“Bild” “ka ngrënë” ca më të fortë se Rama. Të paktën për një gjë duhet ta kenë sqaruar “liderin magjepsës” se “Bild” lexohet e besohet atje ku merren vendimet, ca më shumë se fletushkat e propagandës që shpërndan Rama edhe nga ndonjë zyrë diplomatike në Tiranë…
