Sekretarja për Marrëdhëniet me Jashtë e PS-së, Elona Gjebrea në një lidhje telefonike në emisionin “Tempora” në RTV Ora u shpreh se nuk do të bojkotonte në asnjë kohë Parlamentin edhe nëse do të ia kërkonte vetë kryeministri Edi Rama.
Endri Shabani: Nëse Rama do vendoste të dilnit nga Parlamenti do e respektonit vendimin e tij?
Elona Gjebrea: PS krijon biseda dhe kushdo jep mendimin e tij. Në asnjë mënyrë unë nuk do të dëgjoja dhe të dilja jashtë Kuvendit. PS nuk e ka menduar kurrë bojkotin e Parlamentit.
Endri Shabani: Më thoni një rast kur keni votuar kundër linjës së partisë.
Elona Gjebrea: Ka qenë një rast për shëndetësinë. Ka patur një propozim nga deputeti Beqja, në një moment nuk e kam ngritur kartonin jeshil sepse kam qenë në një linjë me propozimin e Beqajt dhe jo me qeverinë.
