Nga Boldnews.al
Kryetari i Bashkisë së Tiranës Erion Veliaj, nuk e ka ndukur aspak gjuhën e urrejtjes ndaj opozitës, përkundrazi, tashmë ka nisur ta shajë edhe në gjuhën angleze.
“Tirana kthehet në normalitet pas valës së vandalizmit të krahut të djathtë! Qyteti ynë është i fortë dhe progresiv! Nuk do të përkulet nga urrejtja dhe dhuna. Ne jemi shtëpia e 140 kombësive, dhe respektojmë të gjithë që shërbejnë dhe jetojnë këtu, qofshin ambasador apo azilkërkues”, shkruan Veliaj.
Këtë postim e ka hedhur edhe në gjuhën angleze, dukë bërë një ndasi të rrezikshme. Edhe ata protestues që reagojnë kundër qeverisë janë qytetarë të Tiranës, që Lali Eri i përbuz, i fyen, i konsideron dhunues. Dhe nuk është e vetme si gjuhë urrejtje. Shpellarë i konsideroi banorët e Unazës së Re që protestonin kundër prishjes së banesave, stan me lepuj quajti protestuesit e opozitës, ndërsa tashmë në gjuhën e urrejtjes, ndasisë dhe përçmimit, flet edhe në anglisht.
Përktheja në anglisht edhe fjalën “shpellarë”, “stan me lepuj”, “vandalë”, etj, etj, shprehje që i përdor çdo ditë kundër qytetarëve të tu, vetëm pse ata nuk janë Rilindas, vetëm pse ata nuk e duan si kryebashkiak, vetëm pse ata mendojnë ndryshe nga çfarë propagandon Rilindja.
Dhe Lali Eri është mësuar të denocojë dhe shpifë në anglisht. Në vitin 2015, kur ishte në opozitë dhe militonte brenda Rilindjes, i dërgoi disa deputetëve të Parlamentit Europian një email, ku akuzonte qeverinë e kryeministrit të kohës Sali Berisha se kishte rrëmbyer, hequr fëmijën nga barku dhe hedhur në rrugë Griseldën, të dashurën e Elvis Rroshit. A kishte makabritet më të madh se kjo deklaratë e Erion Veliaj?
“Miq! Një lajm i trishtuar na ka shokuar të gjithëve ne në PS. Natën e kaluar, gruaja shtatzënë e kryetarit të sapozgjedhur të Bashkisë së Kavajës, Elvis Roshi, u rrëmbye në një qendër tregtare në Tiranë. Pasi është keqtrajtuar barbarisht nga rrëmbyesit, ajo është dërguar në një vend të panjohur, ku i kanë hequr fëmijën. Në orën 4 të mëngjesit, e mbuluar nga gjaku, znj. Roshi është lënë afër shtëpisë së saj në Kavajë (50 kilometra larg kreqytetit). Nuk ka ende ndonjë njoftim nga policia. Kavaja ka qenë zona elektorale ku është zgjedhur Berisha deputet për 20 vjet. Socialistët fituan në Kavajë për herë të parë më 8 maj, dhe kjo është konsideruar si fitorja më simbolike e zgjedhjeve. Gjatë fushatës elektorale, z.Roshi dhe shtabi i tij kanë marrë kërcënime për shkak të garimit të tij për postin e kreut të Bashkisë. Kreu i PS, Edi Rama, do të lëshojë një deklaratë shtypi pas një ore……Duke pasur parasysh rrethanat shumë të rënda të situatës në Kavajë, ky njoftim do të jetë i shkurtër dhe më tepër informacion politik do t’ju japim nesër. Faleminderit, Erion”. Ky është mesazhi i plotë në anglisht i Erion Veliajt në vitin 2015, dërguar disa deputetëve të Parlamentit Europian.
E vërteta u zbulua se gjithçka ishte një trillim, i ulët, i turpshëm, që në fund duhet të skuqte ideatorët e një histerizmi politik, që alarmuan edhe botën me këtë skenar makabër të ngjashëm me filmat horror.
Lali Eri kurrë nuk kërkoi falje edhe pasi u zbulua se e gjitha kjo ishte një trillim i vetë të dashurës së Rroshit.
