Kreu i opozitës Lulzim Basha, i ka bërë edhe njëherë thirrje policisë së Shtetit, që të zbatojë ligjin dhe mos zbatojë urdhrat e paligjshëm.
Ndërkohë i është drejtuar edhe dhunuesit të Sekretarit organizativ të PD, Sait Dollapi, se asgjë nuk harrohet dhe ai do të mbajë përgjegjësi para ligjit.
‘Thirrja ime ju drejtua urdhëruesit, që e ka kthyer policinë në një kupolë kriminale. Për policët e thjeshtë kam vetëm një thirrje, zbatoni ligjin, mos e thyeni ligjin, por mes tyre ka dhe kriminelë, si Baro, i cili duhet të ishte i dënuar, por ai është një kriminel i veshur me uniformë. Por unë i them atij dhe shokëve të tij, asgjë nuk do të harrohet dhe shumë shpejt do të mbajnë përgjegjësi’, u shpreh Basha.
