Presidentit Hashim Thaçi duket se nuk i del inati me qëndrimet që ka mbajtur ish-kryeministri Sali Berisha ndaj idesë për shkëmbim territoresh, që Kreu i Shetit të Kosovës, e cilëson si korrigjim kufijsh.
“Nuk mund të mbuloj unë bashkëpunimin e hapur që ka pasur gjatë kohës kur z.Berisha ishte President me naftën në Serbi”, tha Thaçi, duke kthyer në vëmendje akuzat që i ka drejtuar ish-kryeministrit vitin e kaluar.
Por Thaçi është zënë ngushtë nga pyetja që i ka drejtuar gazetarja Mirela Milori sesi ka mundësi që këto akuza apo kjo gjuhë e ashpër përdoret sot, kur ai dhe z. Berisha janë shfaqur krah për krah në mjaft inaugurime, gjatë kohës që drejtonit qeveritë.
Thaçi tha se ato që e akuzojnë sot, janë të njëjtët që e akuzonin gjatë kohës që drejtonte UÇK-në.
“Janë të njëjtët persona, që duhet të kenë një problem me ndërgjegjen e tyre, ato kanë krijuar një opinion të çoroditur ndaj meje, por të rrejshëm. Unë jam në rrugën e drejtë, do e vazhdoj”, tha Thaçi.
Presidenti i Kosovës tha se do të largohej nga politika, nëse deklaratat e Vuçiç për dështim të planit, janë tërësisht të vërteta.
