Një çift bashkëshortësh kanë lidhur dhe dhunuar gjatë natës një tregtar rrobash. Ngjarja e rëndë ka ndodhur në qytetin e Peqinit.
Burrë e grua dhunuan, kërcënuan me jetë dhe i vodhën paratë e sendet me vlerë tregtarit. 75- vjeçari, i identifikuar si Skënder Beqiri ndodhet në gjendje të rëndë në spitalin e Elbasanit.
Bashkëshortja e tij ka rrëfyer gjithë ngjarjen duke pretenduar se nga banesa e tyre ishin grabitur rreth 60 mijë euro. Sipas saj, në momentin e grabitjes në shtëpi ka qënë vetëm 75-vjeçari Skëndër Beqiri.
“Unë erdha në orën 1 se shkoj në treg me rrobat. O Skënder hape pak derën. Ai tha ça dere do ti, mua më kanë vrarë. Kishin prish bravën dhe kishin marrë gjithë lekët, rreth 60 mijë Euro “, thotë bashkëshortja e Skënderit.
https://streamable.com/ddtvw
Ka qënë një vajzë, ajo që i ka kërkuar që të futej në shtëpi për të përdorur tualetin. Më pas çifti e ka lidhur dhe dhunuar të moshuarin duke e detyruar që të tregonte se ku i mbante paratë.
Pasi kanë marrë paratë dhe sendet me vlerë grabitësit janë larguar nga banesa.
