Çelja zyrtare e negociatave është guri që i mungon themelit që ne të vazhdojmë të ndërtojmë rrugën tonë.
Kështu u shpreh kryeministri Edi Rama në një konferencë të përbashkët për mediat me Federica Mogherinin, shefen e diplomacisë europiane.
Rama theksoi se ne jemi të bindur se i kemi kryer të gjitha detyrat e shtëpisë, duke shtuar se për aq sa kemi bërë janë të mjaftueshme për çeljen e negociatave.
Kryeministri deklaroi përmbushjen e detyrimeve në rradhë të parë për qytetarët shqiptarë.
“Gjykimi dhe vendimi final do të varet nga rrethanat specifike nga vendet anëtare. Ato varen nga ne po aq saç varen edhe nga faktorë jashtë nesh.
Besojmë shumë që është koha për t’i dhënë fund fund një përpjekjeje për një fazë, siç është faza e përgatitjes së negociatave dhe për t’i filluar zyrtarisht negociatat.
Besojmë se ajo që kemi bërë mjafton për të çelur negociatat por jemi ende larg mjaftueshmërisë në funksion të të ardhmes dhe Shqipërisë që duam të ndërtojmë për fëmijët tanë”, tha Rama.
