Ish-kryeministri, Sali Berisha, ka folur mbrëmjen e sotme për grabitjen e mbi 6 milionë eurove në pistën e aeroportit të Rinasit.
Në studion e emisionit “360 grade”, Berisha tha se ngjarja po manipulohet përmes “të penduarit të rremë”, duke zbuluar edhe skemën sesi do të dilet në krye të kësaj historie.
“A e shihni ju se çfarë bëjnë këta për vjedhjen e shekullit? Çfarë manipulimi të paskrupullt me Alkond Bengasin, një gjysmë i droguar, një malavitë i zakonshëm, i cili është akuzuar njëherë për këtë punë. Tani akuzohet prapë sepse e mer përsipër. Ai merr 100 mijë euro, rri nja 2-3 vjet në burg dhe rroga në burg i shkon shumë më lart se të ishte deputet në parlament.
Tani del “Daja”, ky paska shkuar në Çerem për të varrosur Admir Murataj. Daja i vërtetë është vasalkimiku i kësaj vjedhje, Ministri i Brendshëm. Ndrikulla është ndrikull-Riformato, Elona Bici”, tha Berisha.
