Kreu i PD, Lulzim Basha, deklaroi edhe njëherë se në 30 qershor nuk do të ketë zgjedhje fasadë.
Ai tha se në 30 Qershor do të vendoset një datë tjetër për zgjedhje lokale dhe të përgjithshme, nën udhëheqjen e një qeverie tranzitore.
‘Në 30 Qershor nuk do të lejojmë farsë zgjedhore, zgjedhja pa opozitën nuk mund të ketë dhe nuk do të ketë. Zgjedhje farse nuk do të ketë. Ne do të caktojmë një datë tjetër për zgjedhjet vendore dhe zgjedhje elektorale, nën kujdesin e një qeverie tranzitore pa Edi Ramën kryeministër. Bllokimi i akseve rrugore si mosbindje civile është një sakrificë për të zhbllokuar rrugën drejt punësimit, rrugën e çlirimit të Shqipërisë nga krimi dhe korrupsioni, rrugën e Shqipërisë Europiane’, theksoi Basha.
