Opozita ka bllokuar rrugën edhe në aksin Tepelenë-Gjirokastër, ku nuk kanë munguar edhe konfrontimet mes ish-zyrtarëve dhe policisë.
Gazetarja Entola Bundo për RTV Ora bëri me dije se ish-kryetari i Komunës Lazarat, Dasho Aliko është konfrontuar me policinë për shkak se kërkohej zhbllokimi i rrugës, pasi qytetarët, që do shkonin në shtetin fqinj Greqi dhe që ishin kthyer prej andej ishin të revoltuar për situatën.
Gazetarja Entola Bundo: Në aksin Tepelenë-Gjirokastër, në Urën e Leklit ka pasur një konfrontim para pak minutash mes ish-kryetarit të komunës së Lazaratit me policinë, e cila i ka kërkuar të zhbllokohet rruga. Ka pasur një ndërhyrje për të zhbllokuar aksin. Ka pasur indinjatë për banorët që duan të kalojnë në këtë aks. Rezistenca mund të qëndrojë deri në orën 20:00.
Pjesë nga konfrontimi:
Aliko: Më thuaj ligjin.
Polici: Neni 8 e ndalon bllokimin e rrugëve
Aliko: Jam në të drejtën time. Ne kemi dalë në tubim paqësor. Shkresën e ke dy orë. Hidhëm në gjyq.
